阿幻的玲珑花界: 白话

Profilo di 阿幻阿幻的玲珑花界FotoBlogElenchiAltro

Strumenti

Guida

Blog

Riepilogo

Elenca per:

<< Primo < Precedente Successivo > Ultimo >>

22/12/2007

睇相

　　頭先睇咗佢哋影嘅相。
　　幾靚。
　　我同佢講，古裝嘅幾套靚啲，仲有黃色帶花嗰套裙同埋電車上影嘅嗰套都唔錯，啱佢嘅氣質。真係覺得佢應該生活響度古代。唐代喇，啱佢。
　　雖然都覺得啲相影的幾靚，但心裏哽係唔舒服。表面上可以好大方嘅死撐，但呃唔到自己。或者家陣我最需要嘅喺時間。唔怪得人嘅，講到尾都喺自己唔啱。
　　有嘅時候，都會好好奇，唔知道佢究竟係點諗嘅。佢究竟點樣睇我，點樣諗我，會唔會掛住我。但諗深一層，都會覺得自己幾傻。人哋都要拉埋天窗喇，點會掛住我先得架。諗多咗。諗得太多，真係唔喺好事。無形之中會畀自己好多壓力。透唔到氣。
　　琴日做嘢，啲事件好似永遠都點唔晒，越做越多。有一霎那，真係覺得自己完全控制唔到，覺得自己做再多嘢都無補于事。冇晒信心。跟住就突然間覺得好心酸。
　　想喊。忍唔到。但唔喊得。我知。
　　有一次，電影明星響地鐵度，撞到佢哋。好似話買咗好多嘢，返屋企。電影明星話，覺得嗰個男仔同佢唔襯。其實，襯唔襯邊由得人哋話事呀，當事人覺得襯埋得了。就好似頭先我同佢講嘅説話，無論點樣，都希望佢過得開心。噉比乜都好。其實都好擔心佢，哽係覺得佢都唔識照顧自己。都係諗多咗。遲啲就有人會睇住佢嘅喇。
　　我都攰喇。嘥咗好多時間喇。係時候放低了。
　　今年好多朋友結婚，出年又有好多，包括佢哋。都為佢哋開心嘅。講到結婚，而家啲婚紗相真係越整越靚，前排睇一個同學嘅婚紗相，係外景嚟嘅。好似嗰名叫作“茉莉花開”，影的幾好。我好鍾意嗰啲穿古裝嘅外景。上個月去森林公園，睇到好幾對新人，響度出外景。幾得意。不過，咁凍嘅天，著啲咁薄嘅衫同裙，都幾辛苦。
　　上個月蜜友包都冇駛到，呢幾個月都嘥咗了。好希望可以有人陪我傾吓偈。
　　講咗好多，都為咗舒解啲壓力，抌晒啲唔開心嘅嘢。跟住落嚟，應該畀返自己一個笑容，做返嗰個快乐的“得得地”。
　　本來寫到呢度，應該係寫完了。不過都要長氣啲講多句，希望睇得懂白話嘅朋友，冇估我講嘅係邊個，都冇問了。唔該！

19/07/2007

我嘅第一次

　　今日，係我第一次用白話來寫博客，其實，呢個想法我都諗咗好耐喇。只不過，一路以來，都冇乜嘢值得用白話去寫。用白話寫文字，無非為咗唔畀人睇得明我寫啲乜嘢，唔畀人知我諗緊啲乜嘢，至少，身邊大部分嘅人，都唔識白話嘅。
　　琴晚，我o錫咗佢一啖。係我第一次o錫女仔嚟嘅。呢种感覺好奇妙，唔知點樣形容。其實，係之前果日，我都曾經諗過o錫佢o架，不過唔夠膽。我嘅好姊妹奶嘴寶寶話：呢啲嘢好平常啫嘛，大家都係成年人嘍。不過我都唔係咁諗喔，或者我呢份人比較傳統啲，老套啲。其實講到尾，第一次o錫人，都幾開心嘅，但係心裏邊都係有少少唔安樂。無論點樣來講，呢件事我都係唔啱嘅。但係，從我自己嘅角度嚟睇，我都覺得自己冇錯。有時，感情嘅嘢，都唔由得自己嘅。近排啱啱睇完溏心風暴，有時我都覺得自己好似“得得地”，而佢就係“常在心”，而果個人就係“程亮”。所以，睇劇嘅時候，唔覺意，就會將自己嘅感情投射入去。雖然心裏邊始終都唔安樂，但我仍然諗住維持好呢段感情，就似奶嘴寶寶嘅説話：既然已經揀咗，就只有努力，將來點行係自己揀嘅，就算行錯路亦冇的後悔。
　　寫咗咁多，可能冇人明白到底我係度寫啲乜嘢，亦可能有人估估下，都會有少少估中，亦可能有人根本就識睇白話。無論係點，希望大家睇過算數，冇亂諗，亦都冇係人哋果度提起。唔該晒！
　　離咗題了，係咁喇。

2007-06-16 08:41:44 首发于新浪博客

1.39.49 | Aggiungi un commento | Collegamento permanente | Pubblica su blog | 白话